a POLA terceira! en 22:24

Tal día como hoxe, hai 80 anos, instaurábase a 2ª República Española. Unha das épocas mais modernizadoras e de maior liberdade do país. Trouxo consigo grandes conquistas como as primeiras eleccións onde as mulleres tiñan dereito a voto.

Dereitos e liberdades que foron traxicamente interrompidos por 40 anos de ditadura.
Dende IESGA queremos celebrar esta data tan sinalada co manifesto e mailo cartel que nos achegan dende a coordinadora nacional.

E aproveitamos este aniversario para lembrarvos os valores que a 2ª República propoñía: Liberdade, Igualdade e Fraternidade.
A única loita que se perde é a que se abandona, a pola terceira.

Semana Europea da Enerxía Sostible en 14:36

Durante toda esta semana (do 11 ó 15 de abril) celebrarase a "Semana Europea da Enerxía Sostible". Con tal motivo a universidade de Vigo preparou distintas actividades consistentes na realización dunha exposición e un itinerario sobre eficiencia e sostibilidade enerxética. Todo isto culminará o venres nunha xornada na que se desenvolverán distintas charlas con expertos en temas de enerxía sostible.

Para descargarvos o formulario de inscrición e a información completa podédelo facer a través da páxina que a universidade habilitou a tal efecto. Animámosvos a participar, por un planeta mais sostible.

Día Internacional da Muller en 16:13

Hoxe martes 8 de Marzo é o Día Internacional da Muller e dende IESGA queremos render unha pequena homenaxe a todas as mulleres que loitaron, que seguen loitando e que loitarán ata que sexa necesario pola igualdade, a liberdade e o respecto para a Muller. Para todas elas, aquí vai un fragmento do noso cariño, que se fai eco desta loita histórica polos dereitos das mulleres xunto co cartel conmemorativo que a coordinadora nacional confeccionou para esta data tan sinalada.

Do divino e o humano en 11:04

Hai tempo que queríamos tratar un tema neste blog, pero por diversas causas foise aprazando. É ben certo que aconteceu xa hai un par de meses pero aínda que non sexa actualidade desexamos que quede constancia da opinión de Iesga-Uvigo neste seu principal medio de comunicación con todos vos.

Supoño que lembraredes a visita do papa Benedicto XVI o pasado mes de Novembro, na que nunha mesma fin de semana visitou Santiago de Compostela e posteriormente Barcelona.

Pois ben, aproveitando a visita do pontifice, o reitor da Universidade de Vigo, Salustiano Mato, enviou a seguinte carta de benvida ó diario ABC.

Por suposto respetamos as crenzas relixiosas de cada quen, e a súa liberdade para exercelas, pero tamén cremos nun ensino laico, polo que non entendemos este xesto por parte de Salustiano en calidade de reitor e máximo representante da Universidade de Vigo, e non a titulo persoal, algo que ó noso xuízo houbese sido totalmente distinto e mais axeitado.

Queremos pois darlle un particular toque de atención a Salustiano para lembrarlle que non debe mesturar o divino co humano, pois poderían acontecer cousas estrañas:

Bolsas uvigo en 20:35

Nos últimos días, algúns compañeiros teñen acudido a nos preguntando que pasara coas diversas becas e bolsas da Universidade, pois non sabían moi ben onde atopalas.

Coidamos que moitas é posible que non as vaian atopar en ningures, debido a política de recortes que mantivo Feijoo nestes últimos dous anos, namentres que as que resistiron os recortes poden ser consultadas na páxina web da Universidade de Vigo.

Ante os últimos cambios de dita web pode que sexa un pouco máis complexo dar con elas, así que vos facilitamos o seguinte enlace onde se atopan tódalas bolsas vixentes.

Para calquera outra consulta non dubidedes en dirixirvos a nos a través de este blog ou nos correos electrónicos.

Por último tamén comentar que os exames aplazados pola folga do día 27 celebraranse este próximo luns.

Sorte a todos